'အားနေ တစ်နေ့တစ်နေ့ ဖုန်းနဲ့ဂိမ်းပဲ ထိုင်ဆော့နေတာပဲ' ဆိုတဲ့ အမေ့ရဲ့ ဆူသံကြီးက ကျွန်တော့်နားထဲမှာ အမြဲလိုလို ကြားနေရတဲ့ အသံတစ်ခုပါ။ တစ်နေ့တော့ စာရေးသူလည်း “ငါတကယ် အချိန်တွေဖြုန်းနေမိပြီလား” ဆိုပြီး တွေးမိတာနဲ့ ဂိမ်းဆော့တာကို စွန့်လွှတ်ဖို့ ပြုလုပ်ခဲ့ပါတယ်။ ဒါပေမဲ့  အဲ့ဒါမတိုင်ခင် ငါးပစ်ဂိမ်းကို ဝါသနာပါပြီး နေ့စဉ်ကစားနေတဲ့ စာရေးသူကိုယ်တိုင် 'ငါးပစ်ဂိမ်းရဲ့ နောက်ကွယ်မှာ ငါတို့ဘာတွေ သင်ယူနေရသလဲ' ဆိုတာကို အလေးအနက်ထားပြီး လေ့လာမှုတစ်ခု လုပ်ခဲ့ပါတယ်။

အဲ့ဒီမှာ အံ့ဩစရာကောင်းလောက်အောင် တွေ့ရှိခဲ့တာကတော့... ကျွန်တော်တို့ ကျည်ဆန်တစ်ချက်ချင်းစီ ထွက်ဖို့ ခလုတ်နှိပ်နေတဲ့ နောက်ကွယ်မှာ အပြင်လောကရဲ့ စိန်ခေါ်မှုတွေကို ရင်ဆိုင်နိုင်မယ့် ဗျူဟာမြောက်စွမ်းရည် (Strategic Skills) တွေ ရှိနေတာပဲ ဖြစ်ပါတယ်။ ဒီဂိမ်းက ပျော်ရွှင်ဖို့သက်သက်တင်မဟုတ်ဘဲ အပြင်လောကက စီးပွားရေးနဲ့ ဘဝစီမံခန့်ခွဲမှုတွေမှာပါ အထောက်အကူပြုနိုင်တဲ့ သင်ခန်းစာတွေ ပါဝင်နေပါတယ်။

ဒီနေ့မှာတော့ ငါးပစ်ဂိမ်းကစားခြင်းကနေ ကျွန်တော်တို့ရဲ့ အပြင်လောက လူမှုဘဝနဲ့ လုပ်ငန်းခွင်တွေမှာ ဘယ်လိုအံ့ဩစရာကောင်းတဲ့ အကျိုးကျေးဇူးတွေ ပေးနိုင်သလဲဆိုတာကို ကျွန်တော့်ရဲ့ ကိုယ်တွေ့အမြင်လေးတွေနဲ့ ပေါင်းစပ်ပြီး မျှဝေပေးသွားမှာ ဖြစ်ပါတယ်။

၁။ သိမြင်နားလည်မှုနှင့် ဆုံးဖြတ်ချက်ချနိုင်စွမ်း မြင့်မားလာခြင်း (Enhanced Cognitive Thinking)

ငါးပစ်ဂိမ်းကစားရာမှာ အပေါ်ယံကြည့်ရင် ခလုတ်နှိပ်နေရုံလို့ ထင်ရပေမဲ့ တကယ်တော့ ဦးနှောက်က စက္ကန့်ပိုင်းအတွင်း တွက်ချက်မှုပေါင်းများစွာ ကို လုပ်ဆောင်နေရတာပါ။ ဘယ်ငါးက ပေါက်နိုင်ခြေ ပိုများသလဲ? ဘယ်အချိန်မှာ အားပြင်းတဲ့ကျည်ကို သုံးရမလဲ? ငါးအုပ်တွေကြားထဲမှာ ကိုယ်ပစ်ချင်တဲ့ ပစ်မှတ်ကို ဘယ်လိုချိန်ရမလဲ? ဆိုတဲ့ မေးခွန်းတွေဟာ ကျွန်တော်တို့ရဲ့ Cognitive Skills ကို အမြဲတမ်း လေ့ကျင့်ပေးနေပါတယ်။

၁.၁ ကျိုးကြောင်းဆီလျော်စွာ တွက်ချက်တတ်ခြင်း

ငါးပစ်ဂိမ်းဟာ " စိတ်လှုပ်ရှားမှုအပေါ် အခြေမခံဘဲ Logic လို့ခေါ်တဲ့ ကျိုးကြောင်းဆီလျော်စွာ တွေးခေါ်နိုင်မှုအပေါ်မှာ ပိုအခြေခံပါတယ်။ ဥပမာ - ကျည်ဆန် ၁၀ တောင့်ပဲ ကျန်တော့တဲ့အချိန်မှာ ငါးကြီးတစ်ကောင်ကို လိုက်ပစ်မလား ဒါမှမဟုတ် သေချာပေါက် ရနိုင်တဲ့ ငါးသေးလေးတွေကိုပဲ ပစ်မလားဆိုတာကို ချက်ချင်း ဆုံးဖြတ်ရတာမျိုးပါ။

အပြင်လောကနှင့် ချိတ်ဆက်မှု: ဒီလို ကျိုးကြောင်းစပ်ဆက် တွက်ချက်တတ်တဲ့ အလေ့အကျင့်ဟာ အပြင်လောကက လုပ်ငန်းခွင်တွေမှာ အရေးကြီးတဲ့ Decision Making (ဆုံးဖြတ်ချက်ချခြင်း) တွေမှာ အထောက်အကူပြုပါတယ်။

၁.၂ အရင်းအမြစ်များကို စနစ်တကျသုံးစွဲခြင်း

အကန့်အသတ်ရှိတဲ့ ရင်းမြစ်တွေ (ဥပမာ ကျည်ဆန်များ) ကို အသုံးချပြီး အကောင်းဆုံးရလဒ်ထွက်အောင် ဘယ်အချိန်မှာ ဘယ်အရာကို ဦးစားပေးရမလဲ ဆိုတဲ့ အသိကို ရရှိစေပါတယ်။ မိမိပစ်လိုက်တဲ့ ကျည်ဆန်တစ်ချက်ဟာ အလဟဿ မဖြစ်စေဖို့ အမြဲတမ်း အာရုံစိုက်နေရတဲ့အတွက် ဒီဂိမ်းကနေတစ်ဆင့် ကျွန်တော်တို့ရဲ့ အာရုံစူးစိုက်မှု နဲ့ Critical ဝေဖန်ပိုင်းခြားတွေးခေါ်မှု စွမ်းရည်တွေဟာ သိသိသာသာ တိုးတက်လာတာကို တွေ့ရှိရမှာ ဖြစ်ပါတယ်။

၂။ မှန်ကန်သည့် ဆုံးဖြတ်ချက်များ ချမှတ်နိုင်ရန် အထောက်အကူပြုခြင်း

ငါးပစ်ဂိမ်းမှာ အောင်မြင်တဲ့ Pro Player တစ်ယောက်ဖြစ်ဖို့ဆိုတာ ခလုတ်ကို မြန်မြန်နှိပ်နိုင်ရုံနဲ့ မလုံလောက်သေးဘူး ဆိုတာကိုလည်း ရှာတွေ့ခဲ့ပါတယ်။။ သူတို့ရဲ့ နောက်ကွယ်မှာ တိကျတဲ့ တွက်ချက်မှုတွေ ရှိပါတယ်။ ကျည်ဆန်ရဲ့ ထိခိုက်မှုနှုန်း၊ ငါးရဲ့ပစ်ရခက်/မခက်နဲ့ ရလာနိုင်ခြေရှိတဲ့အကျိုးအမြတ်တို့ကို စက္ကန့်ပိုင်းအတွင်း အလျင်အမြန် တွက်ချက်ပြီးမှ ပစ်ခတ်ကြတာ ဖြစ်ပါတယ်။

၂.၁ ခံစားချက်ထက် အချက်အလက်ကို ဦးစားပေးခြင်း

အပျော်တမ်းကစားသူတွေဟာ "နိုင်ချင်ဇော" ဒါမှမဟုတ် "နှမြောတဲ့စိတ်" ဆိုတဲ့ ခံစားချက်တွေကြောင့် ကျည်ဆန် တွေကို အလဟဿ ဖြုန်းတီးပစ်တတ်ကြပါတယ်။ ဒါပေမဲ့ Pro Player တွေကတော့ သူတို့ရဲ့ တွက်ချက်မှုထဲမှာ မပါတဲ့ ငါးမျိုးဆိုရင် ဘယ်လောက်ပဲ ဆွဲဆောင်မှုရှိပါစေ စိတ်ကိုထိန်းပြီး လက်ရှောင်တတ်ကြပါတယ်။

၂.၂ အပြင်လောကတွင် အသုံးချနိုင်မှု

 ဒီလို အလေ့အကျင့်လေးတွေက အပြင်လောကမှာ ဆုံးဖြတ်ချက်ချရတဲ့အခါ "ခံစားချက်ရှေ့မတင်ဘဲ အချက်အလက် ပေါ်မှာ အခြေခံတတ်ခြင်း" ကို ဖြစ်ပေါ်စေပါတယ်။ ဥပမာ - စီးပွားရေး ရင်းနှီးမြှုပ်နှံမှုတစ်ခု လုပ်တော့မယ်ဆိုရင် "ငါဖြစ်ချင်တာ" ထက် "တကယ်ဖြစ်နိုင်ခြေရှိတာ" ကို ခွဲခြားမြင်တတ်လာပါတယ်။

ဒါကြောင့် ငါးပစ်ဂိမ်းကို စနစ်တကျ ကစားသူတစ်ယောက်ဟာ အပြင်လောကရဲ့ စိန်ခေါ်မှုတွေနဲ့ ကြုံလာရတဲ့ အခါမှာလည်း လောဘ ဒါမှမဟုတ် စိုးရိမ်စိတ်ကြောင့် ဆုံးဖြတ်ချက်အမှားတွေ မချမိအောင် ထိန်းချုပ်နိုင်စွမ်း ရှိလာတာပဲ ဖြစ်ပါတယ်။ အချက်အလက်ကို အခြေခံပြီး ဆုံးဖြတ်ချက်ချတတ်တဲ့ ဒီလို ဆင်ခြင်တုံတရားဖြင့် တွေးတောနိုင်ခြင်း ကြောင့်ဟာ ခေတ်သစ်လူမှုဘဝမှာ အောင်မြင်ဖို့အတွက် အလွန်အရေးကြီးတဲ့ အရည်အချင်းတစ်ခု ဖြစ်ပါတယ်။

၃။ စောင့်ကြည့်လေ့လာနိုင်စွမ်းနှင့် ကြိုတင်ခန့်မှန်းနိုင်ခြင်း

ငါးပစ်ဂိမ်းမှာ အောင်မြင်တဲ့ ကစားသမားတစ်ယောက်ဟာ ခလုတ်ကို ဇွတ်နှိပ်နေတာမျိုးမဟုတ်ဘဲ ငါးတွေရဲ့ ရွေ့လျားမှုပုံစံ (Patterns) တွေကို အမြဲတမ်း စောင့်ကြည့်လေ့လာနေတတ်ပါတယ်။ ဘယ်ငါးက ဘယ်လမ်းကြောင်း ကနေ လာသလဲ ဘယ်အချိန်မှာ ငါးအုပ်ကြီး ကျလာတတ်သလဲဆိုတာတွေကို လေ့လာပြီးမှသာ အထိရောက်ဆုံး ပစ်ခတ်မှုတွေကို လုပ်ဆောင်နိုင်တာ ဖြစ်ပါတယ်။

၃.၁ အခြေအနေကို ကြိုတင်ခန့်မှန်းခြင်း

ငါးတွေရဲ့ ကူးခတ်ပုံ Pattern တွေကို မှတ်သားထားခြင်းက ကစားသမားကို "နောက်ဘာဖြစ်လာမလဲ" ဆိုတာကို ကြိုတင်ခန့်မှန်းနိုင်စွမ်း ရှိလာစေပါတယ်။ ဒါဟာ ကျပန်းပစ်ခတ်ခြင်းထက် အောင်မြင်မှုနှုန်းကို သိသိသာသာ မြင့်မားစေပါတယ်။

၃.၂ အပြင်လောကတွင် အသုံးချနိုင်မှု

ဒီလို Pattern တွေကို လေ့လာတတ်တဲ့ အလေ့အကျင့်ဟာ အပြင်လောကမှာ Market Trends တွေကို ခန့်မှန်းရာမှာဖြစ်စေ၊ လုပ်ငန်းခွင်အတွင်း ဖြစ်ပေါ်လာနိုင်တဲ့ ပြဿနာတွေကို ကြိုတင်မြင်နိုင်စွမ်း ရှိလာစေပါတယ်။ ဥပမာ - စီးပွားရေးလုပ်ငန်းတစ်ခုမှာ ရှေ့ကလူတွေ လုပ်သွားတဲ့ အမှားနဲ့ အမှန် ပုံစံတွေကို ကြည့်ပြီး ကိုယ့်အတွက် အခွင့်အလမ်း ဘယ်မှာရှိသလဲဆိုတာကို ပိုမိုမြန်ဆန်စွာ ရှာဖွေတွေ့ရှိနိုင်တာမျိုးပါ။

ဒါကြောင့် ငါးပစ်ဂိမ်းကနေ ရရှိတဲ့ ဒီလို စူးစမ်းလေ့လာနိုင်စွမ်းဟာ ကျွန်တော်တို့ကို အပေါ်ယံကြည့်ရုံနဲ့ မသိနိုင်တဲ့ အချက်အလက်တွေကို မြင်အောင်ကြည့်တတ်လာစေပြီး အခွင့်အရေးတွေကို တိတိကျကျ ဆုပ်ကိုင်နိုင်တဲ့ ဗျူဟာမြောက်သူတစ်ယောက် ဖြစ်လာစေမှာ ဖြစ်ပါတယ်။

၄။ ပူးပေါင်းဆောင်ရွက်မှုနှင့် အဖွဲ့အစည်းစိတ်ဓာတ်

ငါးပစ်ဂိမ်းရဲ့ နောက်ထပ်ထူးခြားချက်တစ်ခုကတော့ Multiplayer Mode တွေမှာ သူငယ်ချင်းတွေ ဒါမှမဟုတ် တခြားကစားသမားတွေနဲ့ အတူတူ ပစ်ခတ်နိုင်ခြင်းပဲ ဖြစ်ပါတယ်။ တစ်ခါတရံမှာ Boss တစ်ကောင်ကို တစ်ယောက်တည်း ကျည်ကုန်ခံ ပစ်တာထက် ဘေးကလူတွေနဲ့ ဝိုင်းဝန်းပစ်ခတ်ခြင်းက ပစ်မှတ်ကို ပိုမိုမြန်ဆန်စွာ ကျစေပြီး အားလုံးအတွက် အကျိုးအမြတ်ကို ဖြစ်ထွန်းစေပါတယ်။

၄.၁ ဂိမ်းထဲက သင်ခန်းစာ

တစ်ယောက်တည်းပစ်ရင် ကျည်ကုန်ရုံပဲ ရှိနိုင်ပေမဲ့ အဖွဲ့အစည်းနဲ့ စနစ်တကျ Resource တွေ Share ပြီး ပစ်ခတ်တဲ့အခါ ပိုမိုခက်ခဲတဲ့ ပစ်မှတ်တွေကို အောင်မြင်စွာ ဆုပ်ကိုင်နိုင်လာပါတယ်။ ဒါဟာ "ငါ့အမြတ်" ဆိုတာထက် "ငါတို့အားလုံးရဲ့ အောင်မြင်မှု" ကို ဦးစားပေးရတဲ့ Collaborative Mindset ကို လေ့ကျင့်ပေးလိုက်တာပါပဲ။ စီးပွားရေးလောကနဲ့ လုပ်ငန်းခွင်မှာလည်း တစ်ဦးကောင်းတစ်ယောက်ကောင်းထက် Teamwork က ပိုမိုခိုင်မာတဲ့ ရလဒ်ကို ပေးစွမ်းနိုင်ပါတယ်။ အာဖရိက ဆိုရိုးစကားတစ်ခုရှိပါတယ်။ "သင်ဟာ မြန်မြန်သွားချင်ရင် တစ်ယောက်တည်းသွားပါ၊ ဒါပေမဲ့ ဝေးဝေးသွားချင်ရင်တော့ အတူတူသွားပါ" (If you want to go fast, go alone. If you want to go far, go together) ဆိုသလိုပါပဲ။

ကြီးမားတဲ့ ပန်းတိုင်တွေ၊ ခက်ခဲတဲ့ ပရောဂျက်တွေကို အောင်မြင်ဖို့ဆိုရင် မိမိတစ်ယောက်တည်းရဲ့ စွမ်းဆောင်ရည်ထက် အဖွဲ့ဝင်အားလုံးရဲ့ အားသာချက်တွေကို ပေါင်းစပ်အသုံးချတတ်ဖို့ လိုအပ်ပါတယ်။ ငါးပစ်ဂိမ်းကနေ ရရှိတဲ့ ဒီလို အတူတကွ ပူးပေါင်းဆောင်ရွက်တတ်တဲ့ အလေ့အကျင့်ဟာ အပြင်လောကမှာ ကောင်းမွန်တဲ့ ခေါင်းဆောင်မှုနဲ့ အဖွဲ့အစည်းစိတ်ဓာတ်ကို တည်ဆောက်ရာမှာ အဓိက အထောက်အကူပြုနေတာ ဖြစ်ပါတယ်။

၅။ ပျော်ရွှင်မှုစိတ်ခွန်အားဖြည့်တင်းခြင်း

ကျွန်တော်တို့ရဲ့ နေ့စဉ်ဘဝမှာ အလုပ်တွေ၊ လူမှုရေးတွေနဲ့ စိတ်ဖိစီးစရာတွေ အများကြီး ရှိပါတယ်။ အဲ့ဒီအချိန်မှာ ငါးပစ်ဂိမ်းဆော့တာဟာ သာမန်အချိန်ဖြုန်းတာထက် ပိုတဲ့ အကျိုးကျေးဇူးတစ်ခု ရှိပါတယ်။ အဲ့ဒါကတော့ "စိတ်ထွက်ပေါက်" ရရှိတာပဲ ဖြစ်ပါတယ်။ ဒါက ငါးပစ်ဂိမ်းတစ်ခုတည်းကို မဆိုလိုပဲ ဂိမ်းအားလုံးကိုပြောတာပါ။

စခရင်ပေါ်က ပစ်မှတ်တွေကို တိတိကျကျ ပစ်ခတ်ဖြိုခွင်းလိုက်ရတဲ့အခါ ကျွန်တော်တို့ရဲ့ ဦးနှောက်ထဲမှာ Dopamine လို့ခေါ်တဲ့ ပျော်ရွှင်မှုဓာတ်တစ်မျိုး ထွက်လာပါတယ်။ ပစ်မှတ်တစ်ခုကို အောင်မြင်အောင် လုပ်ဆောင်နိုင်လိုက်ခြင်းက ရရှိတဲ့ အောင်မြင်မှုအရသာဟာ တစ်နေ့တာလုံး ပင်ပန်းလာသမျှ စိတ်ဖိစီးမှုတွေကို လျှော့ချပေးနိုင်ပါတယ်။

ပျော်ရွှင်နေတဲ့ စိတ်ဟာ အလုပ်ခွင်မှာ ပိုပြီး တီထွင်ဖန်တီးနိုင်စွမ်းရှိစေပါတယ်။ အပြင်လောကမှာ မပြေလည်တာတွေကို ဂိမ်းထဲမှာ ခဏတာ မေ့ပျောက်ပြီး စိတ်အပန်းဖြေလိုက်တာဟာ နောက်တစ်နေ့ အလုပ်ခွင်ထဲကို စိတ်သစ်၊ လူသစ်နဲ့ ပြန်ဝင်ဖို့ ခွန်အားရစေတာပဲ ဖြစ်ပါတယ်။ ဒါကြောင့် အမေဆူသလို အချိန်ဖြုန်းနေတာ မဟုတ်ဘဲ၊ ကျွန်တော်တို့ဟာ နောက်တစ်နေ့ရဲ့ တိုက်ပွဲတွေအတွက် "စိတ်ဓာတ်ခွန်အား ပြန်လည်ဖြည့်တင်းနေတာ" လို့တောင် ဆိုနိုင်ပါတယ်။

၆. အရာရာသည် သင်ယူမှုတစ်ခုသာ

အမေ့ရဲ့ 'ဂိမ်းပဲ ဆော့မနေနဲ့' ဆိုတဲ့ ဆူသံကြီးက ကျွန်တော့်နားထဲမှာ ရှိနေဆဲ ဖြစ်ပေမဲ့ အခုတော့ ကျွန်တော့်မှာ ဘဝကို တိုးတက်မယ့် အကြောင်းပြချက်တွေ ရှိသွားပါပြီ။ တကယ်တော့ ဘယ်ဂိမ်းမဆို အဓိပ္ပာယ်မဲ့စွာ ဆော့နေမယ်ဆိုရင်တော့ အချိန်ဖြုန်းခြင်း ဖြစ်နိုင်ပေမဲ့၊ ကျွန်တော်တို့ကသာ စနစ်တကျနဲ့ ဗျူဟာမြောက် ကစားတတ်မယ်ဆိုရင်တော့ ဒါဟာ 'ဘဝတက္ကသိုလ်ရဲ့ လက်တွေ့သင်တန်းတစ်ခု' လိုပါပဲ။

ငါးပစ်ဂိမ်းထဲက ကျွန်တော်တို့ ပစ်လိုက်တဲ့ ကျည်ဆန်တိုင်းမှာ ဆုံးဖြတ်ချက်ချမှု၊ သည်းခံနိုင်စွမ်း၊ အဖွဲ့အစည်းစိတ်ဓာတ်နဲ့ အပြောင်းအလဲကို တုံ့ပြန်နိုင်စွမ်း တွေ ကပ်ပါသွားပါတယ်။ အပြင်လောကရဲ့ စိန်ခေါ်မှုတွေဟာလည်း ငါးပစ်ဂိမ်းထဲက ငါးတွေလိုပါပဲ။ အခွင့်အရေးဆိုတာ ခဏလေး ပေါ်လာပြီး ပြန်ပျောက်သွားတတ်ပါတယ်။ အဲ့ဒီအခွင့်အရေးတွေကို ခံစားချက်နောက်မလိုက်ဘဲ အချက်အလက်နဲ့ တွက်ချက်ပြီး တိတိကျကျ ဆုပ်ကိုင်နိုင်သူတွေကသာ အောင်မြင်သူတွေ ဖြစ်လာကြမှာပါ။

အရာရာကို အသုံးချတတ်မယ် ဆိုရင်တော့ အမေဆူနေတဲ့ 'ဂိမ်းဆော့တဲ့အချိန်' တွေဟာလည်း သင့်ကို အပြင်လောကမှာ ပိုမိုထက်မြက်တဲ့ Professional တစ်ယောက်ဖြစ်အောင် ပံ့ပိုးပေးမယ့် အဖိုးတန်သင်ခန်းစာတွေ ဖြစ်လာနိုင်ပါတယ်။ ဂိမ်းကို အပျော်ကစားပါ။ မစွဲလန်းပါနဲ့။ လောင်းကစားဆန်ပါနဲ့။ ပျော်ရွှင်မှုတွေနဲ့ ပြည့်နေတဲ့ ကစားသမားကောင်းတွေ ဖြစ်လာပြီး မိသားစုကို အကျိုးပြုတဲ့ သား/သမီးကောင်းတွေဖြစ်ပါစေလို့ တိုက်တွန်းလိုက်ရပါတယ်။ အမေမသိအောင် ခိုးရေးနေရတာမလို့ ဒီလောက်နဲ့ပဲ အဆုံးသတ်လိုက်ပါရစေ