ပိုကာဆိုတာ ဖဲချပ်တွေသက်သက်ပဲ မဟုတ်ပါဘူး။ ဒါက ပျော်စရာအဖြစ် ဖုံးကွယ်ထားတဲ့ စိတ်ပိုင်းဆိုင်ရာ တိုက်ပွဲတစ်ခုပါ။ Blackjack ဒါမှမဟုတ် Baccarat လို ဂိမ်းတွေနဲ့မတူဘဲ ဒီမှာကတော့ လောင်းကြေးအချိုးအစား (odds) တွေဟာ သတ်မှတ်ထားတာမျိုး မဟုတ်ပါဘူး။ သင့်ရဲ့ ကံကြမ္မာကို ဆုံးဖြတ်သွားမယ့် ဆုံးဖြတ်ချက်၊ လိမ်ခေါ်တာ (Bluff) ဒါမှမဟုတ် လိုက်ခေါ်တာ (Call) တို့ထဲက ဘယ်ဟာ ဖြစ်မလဲဆိုတာ ဘယ်တော့မှ မသိနိုင်ပါဘူး။ ဖဲကောင်းတစ်ချပ်က သင့်ကို သူရဲကောင်း ဖြစ်စေနိုင်ပေမဲ့ ဆုံးဖြတ်ချက်အမှား တစ်ခုကတော့ အိမ်ကို ပြန်ရမယ့် အခြေအနေကို ရောက်စေနိုင်ပါတယ်။ ဒါပေမဲ့ သင် အဲ့ဒီ ငွေအများကြီး ပါတဲ့ အိုးကြီး (Big Pot) ကို လိုက်မယူခင်မှာ၊ ဘယ်သူမှ ပြင်ဆင်ပေးလေ့မရှိတဲ့ စတင်ကစားသူတွေရဲ့ အမှား ၅ မျိုး က သင့်ရဲ့ ဂိမ်းကို တိတ်တိတ်လေး ဖျက်ဆီးနေတာကို ဒီမှာ ကြည့်လိုက်ပါ။

အမှား ၁ : ဖဲတိုင်းကို လိုက်ကစားခြင်း

ကျွန်တော်တို့အားလုံး ပိုကာပွဲတိုင်းကို ကစားချင်ကြတာပဲ၊ ဟုတ်တယ်မလား? လက်ချိုးလိုက်ပြီး ပွဲပြီးတဲ့အထိ စောင့်နေရတာ ပျင်းစရာကောင်းပါတယ်။ ဒါပေမဲ့ အမှန်တရားကတော့ ပိုကာဆိုတာ ကံတရားသက်သက် မဟုတ်ပါဘူး။ ဒါဟာ တွက်ချက်မှု၊ အချိန်ကိုက်မှုနဲ့ ပြိုင်ဘက်တွေကို အကဲခတ်နိုင်စွမ်း တွေနဲ့ ပိုပြီးသက်ဆိုင်ပါတယ်။ ပထမဆုံး အမှားကတော့ စကစားသူတိုင်းက ဖဲတိုင်းကို လိုက်ကစားခြင်းပဲ ဖြစ်ပါတယ်။ သူတို့က ကိုင်ထားတဲ့ ဖဲချပ်တွေကို ဂရုမစိုက်ကြပါဘူး။ ဒါကတော့ အံ့ဖွယ်တစ်ခုကို လိုက်ရှာနေတာနဲ့ တူပါတယ်။ ကျွမ်းကျင်တဲ့သူတွေက အဲဒီလို မလုပ်ကြပါဘူး။ သူတို့က ထိုးနှက်ဖို့အတွက် အချိန်ကောင်းကိုပဲ စောင့်ဆိုင်းနေကြပါတယ်။

ဒီအမှားကို ရှောင်ရှားဖို့ နည်းလမ်းကတော့ ဒီမှာပါ။စိတ်ရှည်ဖို့ လိုအပ်ပါတယ်။ သင့်ရဲ့လက်ထဲမှာ Ten, Jack, Queen, King, နဲ့ Ace တို့လို အမြင့်ဆုံးဖဲချပ်တွေထဲက တစ်ချပ်ပါတဲ့ အချိန်မှသာ ကစားပါ။ အဲ့ဒီဖဲချပ်တွေထဲကနေ သင် အတွဲ ရထားပြီဆိုရင်တော့ ဂိမ်းပွဲမှာ ဆက်ပါဝင်ဖို့ သင့်တော်တဲ့ အချိန်ပါပဲ။ ဒါပေမဲ့ မှတ်ထားပါ။ သင့်ဆီမှာ အမြင့်ဆုံး ဖဲချပ်အတွဲ ရနေရင်တောင် သင့်ရဲ့ ဖဲဟာ နံပါတ် ၉ အဆင့်မှာပဲ ရှိနေသေးတယ်ဆိုတာ မမေ့ပါနဲ့။

အမှား ၂ : ပိုကာ ဖဲချပ်အဆင့်ကို နားလည်ခြင်း

သင် အတွဲကောင်းတစ်ခု ရထားပါတယ်။ King ဒါမှမဟုတ် Queen အတွဲ ဖြစ်ချင်ဖြစ်ပါလိမ့်မယ်။ ဒါပေမဲ့ အကြောင်းတစ်ခုခုကြောင့် သင် အဲ့ဒီဖဲကို ရှုံးသွားခဲ့ပါတယ်။ သင်ကတော့ အကောင်းဆုံး ကစားခဲ့ပေမဲ့ ငွေအိုးက တခြား ကစားသမားဆီ လျှောကျသွားခဲ့ပါတယ်။ ဒီလိုမျိုး ဖြစ်တတ်တာက ပိုကာရဲ့ ပုံမှန် ဖဲအဆင့် ဆယ်မျိုး (Standard Ten Poker Hand Rankings) ကို သင် အပြည့်အဝ နားမလည်သေးလို့ ဖြစ်ပါတယ်။ ခိုင်မာတဲ့ အတွဲတစ်ခုတောင် ပိုကာမှာ အကောင်းဆုံး ဖဲအဆင့်ထဲက အဆင့် ၉ နေရာမှာပဲ ရှိနေပါသေးတယ်။ ဒါကြောင့် စားပွဲပေါ်က ဖဲချပ်တွေကနေ Straight, Flush ဒါမှမဟုတ် Full House လိုမျိုး ပိုအားကောင်းတဲ့ ဖဲတွေ ဖြစ်သွားမယ်ဆိုရင် သင့်ရဲ့ "ဖဲကောင်း" ဟာ ချက်ချင်းဆိုသလို အားနည်းသွားပါတယ်။

အဲဒီလို ဖဲကောင်းတွေကို ဆုံးရှုံးတာ ရပ်တန့်ဖို့အတွက် စားပွဲပေါ်က ဖဲချပ်တွေကို အမြဲလေ့လာပါ။ (ဒါတွေက လူတိုင်း အသုံးပြုနိုင်တဲ့ အလယ်မှာရှိတဲ့ ဖဲချပ်တွေပါ)။ သူတို့က အစဉ်လိုက်ဖြစ်နေလား? ဒါမှမဟုတ် အားလုံးက အမျိုးအစားတူတွေလား? အတွဲတစ်ခုက ပြနေတာမျိုးတောင် ဖြစ်ကောင်းဖြစ်နေနိုင်လား? သင့်ရဲ့ ပြိုင်ဘက်တွေဟာ အဲဒီဖဲချပ်တွေကနေ ဘယ်လို ဖဲပုံစံမျိုးတွေကို ဖန်တီးနိုင်မလဲဆိုတဲ့ ဖြစ်နိုင်ခြေ အားလုံးကို စဉ်းစားကြည့်ပါ။ သင့်ရဲ့ အတွဲတစ်ခုက အားနည်းနေတုန်းပဲဆိုရင် လက်ချိုးဖို့မတွေဝေပါနဲ့။ အဲဒါကို "စမတ်ကျကျ လက်ချိုးခြင်း" လို့ ခေါ်ပါတယ်။

အမှား ၃ : ဘယ်တော့မှ အားလုံးကို ပုံအောမပစ်ပါနဲ့

ပိုကာ ကစားတဲ့အခါ စိတ်ခံစားမှုတွေက အသိဉာဏ်ကို တစ်ခါတစ်လေ လွှမ်းမိုးသွားတတ်ပါတယ်။ စကစားသူတွေ ကျူးလွန်တဲ့ တတိယအမှားကတော့ စောစောစီးစီး အားလုံးပုံအောတာပဲ ဖြစ်ပါတယ်။ သင့်မှာ ဖဲကောင်းတစ်ခု ရှိကောင်းရှိနိုင်ပေမဲ့ သင့်ရဲ့ ပြိုင်ဘက်တွေက သင့်ထက် ပိုကောင်းတဲ့ ဖဲတစ်ခုကို ကိုင်ထားနိုင်ပါသေးတယ်။ ကျွမ်းကျင်တဲ့သူတချို့ဆိုရင် သင်အားလုံးကို စွန့်စားဖို့ ဆွဲဆောင်နိုင်အောင် ဖဲမကောင်းတဲ့ပုံစံမျိုးတောင် ဟန်ဆောင်တတ်ကြပါတယ်။ သင် အကုန်ပုံအောလိုက်ပြီး မကြာခင်မှာပဲ ပြိုင်ဘက်က အနိုင်ရသွားတတ်ပါတယ်။

ပိုကာဆိုတာ ဦးနှောက်နဲ့ ကစားရတဲ့ ဂိမ်းပါ။ သေချာ စဉ်းစားပြီး ကစားပါ။ ကြောက်ရွံ့မှု ဒါမှမဟုတ် လောဘ ကြောင့် သင့်ရဲ့ ဆုံးဖြတ်ချက်တွေကို ဖိအားပေးပြီး မလုပ်ပါနဲ့။ ဒါပေမဲ့ အားလုံးပုံအောတာဟာ အမြဲတမ်း မှားတယ်လို့ မဆိုလိုပါဘူး။ အကောင်းဆုံးအချိန်ကတော့ နောက်ဆုံးဖဲချပ်ဖြစ်တဲ့ River ကို ချပြီးတဲ့အချိန်ပဲ ဖြစ်ပါတယ်။ ဖဲချပ်အားလုံး ပွင့်သွားတဲ့နောက် စားပွဲပေါ်က အခြေအနေတစ်ခုလုံးကို မြင်ရပြီဖြစ်လို့ ခန့်မှန်းချက်တွေကို ပြုလုပ်နိုင်ပါတယ်။ သင့်ရဲ့ ဖဲက အတော်လေး အားကောင်းပြီး အဆင့် (၅) အောက် မနိမ့်ဘူး ဆိုရင် ဒါဟာ ပုံအောလိုက်ပြီး အကြီးအကျယ် အနိုင်ယူဖို့ သင့်တော်တဲ့ အချိန် ဖြစ်ပါတယ်။

အမှား ၄ : လိမ်ခေါ်ခြင်းကို လွန်ကဲစွာ အသုံးပြုခြင်း

လိမ်ခေါ်တယ်ဆိုတာကတော့ သင့်ရဲ့ ဖဲချပ်တွေက အားနည်းနေရင်တောင် ဖဲကောင်းတစ်ခု ရှိတဲ့ဟန်ဆောင်ပြီး အကြီးအကျယ် လောင်းကြေးထပ်တာပါပဲ။ ဒါက စကစားတဲ့သူတွေအတွက် မကြာခဏဆိုသလို စိတ်လှုပ်ရှားစရာ ကောင်းတယ်လို့ ခံစားရပါတယ်။ ဒါဟာ သင့်ရဲ့ ပြိုင်ဘက်တွေကို လှည့်စားပြီး တကယ်တမ်း မရသင့်တဲ့ ငွေအိုးတစ်ခုကို အနိုင်ယူဖို့ အခွင့်အရေးတစ်ခုပါ။ ဒါပေမဲ့ အမှန်တရားကတော့ ကျွမ်းကျင်သူတွေ ဟာ လိမ်ခေါ်တာကို နည်းနည်းပဲ လုပ်ပါတယ်။ သူတို့ဟာ သူတို့ရဲ့ဖဲက အားမကောင်းဘူးဆိုရင် လက်ချိုးလိုက်ကြပါတယ်။ ဘာလို့လဲဆိုတော့ သူတို့က အဲ့ဒီ စွန့်စားမှုနဲ့မတန်ဘူး ဆိုတာ သိကြလို့ပါ။

လိမ်ခေါ်တာဟာ သင့်တော်တဲ့အချိန်နဲ့ သင့်တော်တဲ့အခြေအနေမှာမှ အလုပ်ဖြစ်ပါတယ်။ Flop မှာ ပွင့်လာတဲ့ စားပွဲပေါ်က ဖဲချပ် သုံးချပ်ဟာ Spades တွေချည်း ဖြစ်နေပြီး အစဉ်လိုက်လည်း ဖြစ်နေတယ်လို့ စိတ်ကူးကြည့်ပါ။ ဒီလို အခြေအနေမျိုးမှာ လိမ်ခေါ်တာက သင် Flush ဒါမှမဟုတ် Straight မရထားရင်တောင် ပြိုင်ဘက်တွေကို ရထားတယ်လို့ ထင်စေနိုင်ပါတယ်။ ဒါပေမဲ့ ဖဲချပ်နိမ့်တွေဖြစ်တဲ့ ၂၊ ၅၊ ၇ လိုမျိုးတွေ ပွင့်ပြီးမှ လိမ်ခေါ်မယ်ဆိုရင်တော့ သင့်ရဲ့ လိမ်ခေါ်မှုဟာ ဘာမှ အဓိပ္ပာယ်မရှိပါဘူး။ ဉာဏ်ကောင်းတဲ့ ကစားသမားတွေက သင့် လောင်းကြေးကို လိုက်ပါလိမ့်မယ်။ အရေးအကြီးဆုံးကတော့ သင့်တော်တဲ့ အခြေအနေမှာမှ လိမ်ခေါ်ခြင်းကို အသုံးပြုဖို့ပါပဲ။

အမှား ၅ : ဖဲကောင်းတွေ ရနေချိန်မှာ အရမ်းမြန်မြန် ကစားခြင်း

အားကောင်းတဲ့ ဖဲချပ်တွေ ရလိုက်ပြီဆိုရင် လူတိုင်း စိတ်လှုပ်ရှား ကြပါတယ်။ စကစားတဲ့သူ အများစုဟာ ဖဲချပ်ကောင်းတွေ ရတာနဲ့ စိတ်မထိန်းနိုင်ဘဲ ချက်ချင်း အကြီးအကျယ် လောင်းကြေးထပ် လိုက်ကြပါတယ်။ ဒါက လုံးဝ မှားယွင်းတဲ့ လုပ်ရပ်ဖြစ်ပြီး ပိုကြီးတဲ့ ငွေအိုးတွေကို အနိုင်ရဖို့ သူတို့ရဲ့ အခွင့်အရေးကို ဖျက်ဆီးလိုက်တာပါ။ Sun Tzu ပြောခဲ့တဲ့ "အားကောင်းနေချိန်မှာ အားနည်းတဲ့ပုံ ဟန်ဆောင်ပါ" ဆိုတာက ပိုကာမှာဆိုရင် အဆင့်မြင့် ဖဲချပ်တွေ ကိုင်ထားရင်တောင် သင့်ရဲ့ ဖဲက အထင်ကြီးစရာ မကောင်းတဲ့ ပုံစံမျိုး ဟန်ဆောင်ပြီး ကစားဖို့ကို ဆိုလိုပါတယ်။

စောစောစီးစီး အရမ်းအများကြီး လောင်းကြေးထပ်လိုက်တဲ့အခါ ပြိုင်ဘက်တွေက လက်ချိုးသွားကြပြီး သင် နိုင်သင့်တဲ့ ငွေတွေကို ဆုံးရှုံး သွားစေပါတယ်။ အဲ့ဒီအစား သင့်ရဲ့ ဖဲကောင်းကို ဖြည်းဖြည်းချင်း ကစားပါ၊ ပြိုင်ဘက်တွေနဲ့အတူ လိုက်ပါသွားပါ။ ပြိုင်ဘက်တွေက ဆက်မလောင်းဘဲ ခဏရပ်လိုက်ရင် သင်လည်း ခဏရပ်လိုက်ပါ။ ပြိုင်ဘက်တွေက လောင်းကြေးတင်လိုက်ပြီဆိုရင် သသင်လည်း လိုက်ပြီး ကစားလိုက်ပါ။ ငွေအိုးကို ဆက်ပြီး ကြီးထွားပါစေ၊ သူတို့ လောင်းကြေးကို ပုံအောဖို့ လုပ်ပါစေ။ ဖဲချပ်တွေ ထပ်မချတော့ဘူးဆိုမှ River ချပြီးတဲ့နောက်မှာမှသာ အားလုံးကို ပုံအောတာ သို့မဟုတ် အကြီးအကျယ် လောင်းကြေးတင်လိုက်ပါ။ ဒီအဆင့်မှာ လူအများစုက လက်ချိုးကြမှာ မဟုတ်ပါဘူး။ ဒါဟာ သင့်ရဲ့ စိတ်ရှည်မှုကနေ အကျိုးအမြတ် ရရှိမယ့် အချိန်ပါပဲ။

အပိုဆုလက်ဆောင် အကြံပြုချက်များ

ပိုကာဆိုတာ အချိန်ကိုက်မှု နဲ့ စိတ်ပညာတွေကို အကျိုးပေးတဲ့ ဖဲကစားနည်း တစ်မျိုးပါ။ သတိထား ကစားပြီး တခြားသူတွေက သူတို့ ရှေ့ရောက်နေပြီ လို့ ထင်စေခြင်းအားဖြင့် သင့်ရဲ့ အနိုင်ရငွေပမာဏ ကို အမြင့်ဆုံး တိုးမြှင့်နိုင်ပြီး ကစားပွဲမှာ ခန့်မှန်းရခက်သူ အဖြစ် ဆက်ရှိနေနိုင်ပါတယ်။ ဘယ်တော့မှ လောဘစိတ်ကို လွှမ်းမိုးခွင့် မပေးပါနဲ့။ ဖဲတစ်ချပ် မကစားခင်တိုင်းမှာ သင့်ရဲ့ စိတ်ခံစားမှုတွေကို တံခါးအပြင်ဘက်မှာ ထားခဲ့ပါ။ ဆက်ပြီး လေ့လာပါ။ စိတ်ရှည် သည်းခံပြီး ပိုပြီး လေ့ကျင့်လေလေ သင့်ရဲ့ ဦးနှောက်က ပိုပြီး ထက်မြက်လာလေလေ ဖြစ်ပါတယ်။